چکن میرینیشن بنانے کے لئےچکن پیسیز میں کانٹے کی مدد سے سوراخ کر لیں۔
ا ب ایک باؤل میں چکن، نمک، کالی مرچ پاؤڈر، پیپریکا پاؤڈر، لال مرچ پاؤڈر، سفید مرچ پاؤڈر، ہاٹ سوس، سرکہ اور مسٹرڈ پیسٹ ڈال کر اچھی طرح مکس کرلیں اور تیس سے چالیس منٹ میرینیٹ ہونے کے لئے رکھ دیں۔
ایک باؤل میں میدہ، کارن فلار، بیکنگ پاؤڈر، لہسن پاؤڈر اور نمک ڈال کر اچھی طرح مکس کر لیں۔
کولڈ بیٹر بنانے کے لئے ایک باؤل میں ٹھنڈا پانی، ٹھنڈا دودھ، لال مرچ پاؤڈر اور نمک ڈال کر اچھی طرح مکس کر لیں۔
سوس بنانے کے لئے ایک باؤل میں چِلی گارلک سوس، نمک، ہاٹ سوس، لیموں کا رس اور چِلی سوس ڈال کر اچھی طرح مکس کریں۔
کرسپی چکن بنانے کے لئے چکن پیسیز لے کر ان کو کوٹنگ مکسچر میں اچھی طرح کوٹ کر لیں۔اب اس پر کولڈ بیٹر لگائیں اور دوبارہ کوٹنگ مکسچر میں کوٹ کر لیں۔
ھر ایک فرائی پین میں کھانے کاتیل گرم کرکے چکن پیسیز کو تین سے چار منٹ فرائی کر لیں اور پانچ منٹ سائیڈ پر رکھ دیں۔
اب چکن پیسیز کو دوبارہ سے پانچ سے چھ منٹ یا اچھی طرح پکنے تک فرائی کر لیں۔
عریبین رائس بنانے کے لئے ایک برتن میں کھانے کا تیل، ثابت کالی مرچیں، لونگ، سفید مرچ پاؤڈر، گرم مصالحہ پاؤڈر اور نمک ڈا ل کر دو سے تین منٹ پکائیں۔اب اس میں پانی , چکن یخنی اور چاول ڈا ل کر پانی پچاسی فیصد خشک ہونے تک پکائیں۔
اب اس پر پیلا کھانے کا رنگ ڈالیں اور ڈھکن سے ڈھک کر ہلکی آنچ پر دس سے پندرہ منٹ پکائیں۔پھر ڈھکن اتار کر چاولوں کو اچھی طرح مکس کرلیں۔
مزیدار کرسپی چکن وِدعریبین رائس ریسپی تیار ہے